ತಾಲ್ಲೂಕು ಕಚೇರಿ

ತಾಲ್ಲೂಕಿನಲ್ಲಿ, ತಹಸೀಲ್ದಾರ್ ಪ್ರಮುಖ ಸರ್ಕಾರಿ ಕಾರ್ಯನಿರ್ವಾಹಕರಾಗಿರುತ್ತಾರೆ. ಜಿಲ್ಲಾಧಿಕಾರಿಗಳು  ಜಿಲ್ಲೆಯ ಜಿಲ್ಲಾಧಿಕಾರಿಗಳಾದಂತೆ  ತಹಸೀಲ್ದಾರರು ತಾಲೂಕಿನ ಪ್ರಮುಖ ಅಧಿಕಾರಿಗಳಾಗಿರುತ್ತಾರೆ ಹಾಗು ಉಪವಿಭಾಗೀಯ ಅಧಿಕಾರಿಗಳಾದ ಸಹಾಯಕ ಆಯುಕ್ತರ ಅಧೀನದಲ್ಲಿ ಕೆಲಸ ನಿರ್ವಹಿಸುತ್ತಾರೆ.  ಸಹಾಯಕ ಆಯುಕ್ತರು ಉಪ ವಿಭಾಗದ ಆಡಳಿತವನ್ನು ನಿರ್ವಹಿಸುತ್ತಾರೆ.

ತಹಸೀಲ್ದಾರ್ ಭೂ ಕಂದಾಯ ಸಂಗ್ರಹವನ್ನು ನೋಡಿಕೊಳ್ಳುತ್ತಾರೆ. ಮತ್ತು ಅವರಿಗೆ ವಹಿಸಿದ ಕೆಲಸದಲ್ಲಿ ಗ್ರಾಮಲೆಕ್ಕಿಗರು ಮತ್ತು ಕಂದಾಯ ನಿರೀಕ್ಷಕರು ಭೂದಾಖಲೆಗಳನ್ನು ಪರಿಣಾಮಕಾರಿಯಾಗಿ ನಿರ್ವಹಿಸುತ್ತಾರೆ ಹಾಗು ಕಂದಾಯ  ದಾಖಲೆಗಳನ್ನು ನವೀಕೃತವಾಗಿ ಇಟ್ಟುಕೊಳ್ಳುತ್ತಾರೆ. ತಹಶೀಲ್ದಾರರು ಕ್ರಿಮಿನಲ್ ಪ್ರೊಸೀಜರ್ ಕೋಡ್ ಅಡಿಯಲ್ಲಿ ಕಾರ್ಯನಿರ್ವಾಹಕ ದಂಡಾಧಿಕಾರಿಯು ಆಗಿದ್ದಾರೆ. ಅವರು ತಮ್ಮ ತಾಲೂಕಿನ  ಚುನಾವಣೆ  ನೋಂದಣಿ ಅಧಿಕಾರಿ ಮತ್ತು ಅವರ ತಾಲೂಕುಗಳನ್ನು ಒಳಗೊಂಡ ವಿಧಾನಸಭಾ ಕ್ಷೇತ್ರಗಳ ಸಹಾಯಕ ರಿಟರ್ನಿಂಗ್ ಅಧಿಕಾರಿಯಾಗಿಯೂ ಆಗಿ ಕರ್ತವ್ಯ ನಿರ್ವಹಿಸುತ್ತಾರೆ. ಅವರು ಭೂ ಸುಧಾರಣೆ ಕಾಯ್ದೆ ಅಡಿಯಲ್ಲಿ ಸ್ಥಾಪಿಸಲಾದ ನ್ಯಾಯಮಂಡಳಿಗಳ ಕಾರ್ಯದರ್ಶಿಯಾಗಿದ್ದು, ವಿವಿಧ ಯೋಜನೆಗಳ ಅಡಿಯಲ್ಲಿ ಸೇವೆಗಳನ್ನು ಒದಗಿಸುವ ಅಧಿಕಾರವನ್ನು ಹೊಂದಿರುತ್ತಾರೆ.

ತಹಸೀಲ್ದಾರ್ ಅವರು ಭೂಮಿಯ ಕಂದಾಯವನ್ನು ಸಂಗ್ರಹಿಸುವ ಜವಾಬ್ದಾರಿಯನ್ನು ನಿರ್ವಹಿಸುತ್ತಾರೆ.  ಗ್ರಾಮ ಲೆಕ್ಕಿಗರು ಮತ್ತು ಕಂದಾಯ ನಿರೀಕ್ಷಕರುಗಳು  ವಹಿಸಿದ ಕೆಲಸವನ್ನು ಪರಿಣಾಮಕಾರಿಯಾಗಿ ನಿರ್ವಹಿಸುವುದರ ಬಗ್ಗೆ ಮೇಲುಸ್ತುವಾರಿ ವಹಿಸುತ್ತಾರೆ. ಗ್ರಾಮಗಳ ಕಂದಾಯ ದಾಖಲೆಗಳನ್ನು ನವೀಕರಿಸುತ್ತಾರೆ. ಅವರು ಮ್ಯುಟೇಶನ್‌ ಗಳನ್ನು ಸ್ವೀಕರಿಸಲು, ವಿವಾದಾತ್ಮಕ ಪ್ರಕರಣಗಳಲ್ಲಿ ಆದೇಶಗಳನ್ನು ಕೇಳಲು ಮತ್ತು ಹಕ್ಕುಪತ್ರಗಳನ್ನು ನೀಡಲು ಮತ್ತು ಬೆಳೆ ನೋಂದಣಿಗಳನ್ನು ಪರೀಕ್ಷಿಸಲು, ಭೂ ಕಂದಾಯ ಆದಾಯ ಮತ್ತು ಪಟ್ಟಾ ಪುಸ್ತಕಗಳನ್ನು ಪರಿಶೀಲಿಸುವ ಅಧಿಕಾರ ಹೊಂದಿರುತ್ತಾರೆ. ಅತಿಕ್ರಮಣಗಳನ್ನು ತೆಗೆದುಹಾಕುವಲ್ಲಿ ಅವರು ವಿಶೇಷ ಗಮನ ನೀಡಬೇಕಾಗುತ್ತದೆ. ಜಮೀನು ಸುಧಾರಣಾ ಕಾಯಿದೆಗಳ ಉಲ್ಲಂಘನೆಗಳ ಬಗ್ಗೆ ಕ್ರಮ ಕೈಗೊಳ್ಳುವುದು ಮತ್ತು ಭೂ ಸುಧಾರಣೆ ಸಾಲಗಳನ್ನು ನೀಡುವ ಹಾಗು ಕೆಲಸಗಳನ್ನು ಪರಿಶೀಲಿಸುವ ಅಧಿಕಾರ ಹೊಂದಿರುತ್ತಾರೆ. ತನ್ನ ತಾಲ್ಲೂಕಿನಲ್ಲಿನ ಕಂದಾಯ ಭೂಮಿ ಹಕ್ಕುಗಳ ದಾಖಲೆಗೆ ಹೊಣೆಗಾರನಾಗಿರುವ ಅಧಿಕಾರಿಯಾಗಿರುತ್ತಾರೆ.  ಪ್ರವಾಸದ ಸಮಯದಲ್ಲಿ ಕಂದಾಯ ನಿರೀಕ್ಷಕರು ಮತ್ತು ಗ್ರಾಮ ಲೆಕ್ಕಿಗರುಗಳು ತಮ್ಮ ಕರ್ತವ್ಯಗಳನ್ನು ಸರಿಯಾಗಿ ನಿರ್ವಹಿಸುತ್ತಿದ್ದಾರೆ ಎಂದು ಸ್ವತಃ ಖಾತರಿಪಡಬೇಕು. ಹಳ್ಳಿಯ ತಪಾಸಣೆ ನಂತರ ತಹಸೀಲ್ದಾರ್ ಕಂದಾಯ ನಿರೀಕ್ಷಕರಿಗೆ ಅಥವಾ ಗ್ರಾಮ ಲೆಕ್ಕಿಗರುಗಳಿಗೆ ನೀಡಿದ ಆದೇಶ ಅಥವಾ ಸೂಚನೆಗಳನ್ನು ದಾಖಲೆ ಮಾಡಬೇಕು. ತಾಲ್ಲೂಕಿನ ಸಾರ್ವಜನಿಕ ವಿತರಣೆಯ ಸರಿಯಾದ ಕಾರ್ಯನಿರ್ವಹಣೆಯ ಜವಾಬ್ದಾರಿ ಅವರದು. ಅವರು ಅಗತ್ಯವಾದ ಸರಕುಗಳನ್ನು ನಿಭಾಯಿಸುವ  ಹಾಗು ಗೋದಾಮುಗಳನ್ನು ಸಹ ಪರಿಶೀಲಿಸಬೇಕು ಮತ್ತು ಯಾವುದೇ ವಿಚಾರಣೆಗಳು ಇದ್ದಲ್ಲಿ ಸ್ಥಳೀಯ ವಿಚಾರಣೆಯ ಮೂಲಕ ಪರಿಶೀಲಿಸಬೇಕು.

ತಹಶೀಲ್ದಾರರುಗಳಿಗೆ ಸಹಾಯ ಮಾಡಲು ಪ್ರತಿ ತಾಲ್ಲೂಕಿನಲ್ಲಿ ಶಿರಸ್ತೆದಾರರು/ ಉಪ ತಹಸೀಲ್ದಾರರನ್ನು ನೇಮಕ ಮಾಡಲಾಗಿದೆ. ಕೆಎಲ್‍ಆರ್ ರೂಲ್ಸ್, 1966 ರ ನಿಯಮಗಳ 43 ಮತ್ತು 67 ರ ಅಡಿಯಲ್ಲಿ, ಶಿರಸ್ತೆದಾರರು ಅಥವಾ ಕಂದಾಯದ ಇಲಾಖೆಯ ಯಾವುದೇ ಅಧಿಕಾರಿಯು ಅವರಿಗೆ ಶ್ರೇಣಿಯಲ್ಲಿ ಸಮಾನ ಅಥವಾ ಉನ್ನತ ಸ್ಥಾನ ಪಡೆದಿದ್ದರೆ, ಭೂದಾಖಲೆ ಹಕ್ಕುಗಳ ದಾಖಲೆಯನ್ನು ತಯಾರಿಸುವ ಹಂತದಲ್ಲಿ ಉದ್ಭವಿಸುವ ವಿವಾದಿತ ಪ್ರಕರಣಗಳಲ್ಲಿ ಆದೇಶಗಳನ್ನು ನೀಡಬಹುದು.